काठमाडौं, फागुन १५ गते 
मधेश प्रदेशकै सर्वाधिक धनराशिको वीरगन्ज गोल्डकपको दोश्रो संस्करण फागुन १७ देखि २४ गतेसम्म आयोजना हुने भएको छ | आज पत्रकार सम्मेलन गर्दै यसको जानकारी आयोजकले दिएको छ | भेट्रान सिटी क्लब वीरगन्जको आयोजनामा यो प्रतियोगिता आदर्शनगर रंगशालामा हुँदैछ | यो प्रतियोगिता नकआउट चरणमा खेलाइनेछ | यस प्रतियोगितामा आयोजक वीरगन्ज युनाइटेड क्लब सहित संकटा फुटबल क्लब, मछिन्द्र फुटबल क्लब, बागमती युथ क्लब सर्लाही, नेपाल पुलिस क्लब, गरवाल डाइमन्ड फुटबल क्लब दिल्ली , एपीआई चर्च ब्वाइज युनाइटेड काठमाडौं र सलहेश फुटबल क्लब सिराहा गरी ८ टिम रहेका छन |

यस प्रतियोगिताको विजेता टोलीले नगद ११ लाख ११ हजार १११ रुपैयाँ पाउनेछ भने उपविजेताले ५ लाख ५५ हजार ५५५ रुपैयाँ प्राप्त गर्नेछ |