काठमाडौं, पुस १ गते  
त्रिवी मैदान कीर्तिपुरमा सिद्धार्थ बैंक नेपाल प्रिमियर लिग एनपीएलको आज भएको  खेलमा  सुदूरपश्चिमले  कर्णालीलाई  ६   विकेटले  हराएको  छ | यो जित  सँगै  सुदूरपश्चिमले एनपीएलको पहिलो   क्वालिफायरमा १२ अंक सहित शीर्षस्थानमा ठाउँ   बनाएको छ | त्यसैगरि १० अंक रहेको जनकपुर पनि क्वालिफायरमा स्थान बनाएको छ | दुबै क्वालिफायरमा पुगेका जनकपुर र  सुदूरपश्चिम भिड्नेछन | क्वालिफायर जित्ने टोली सिधै फाइनलमा पुग्नेछ |   जितका लागि एक सय २  रनको सामान्य लक्ष्य पछ्याएको  सुदूरपश्चिमले  १५.१  ओभरमा ४  विकेटको क्षतिमा एक सय ५  रन जोड्दै लक्ष्य पुरा गरेको थियो | टस  हारेर ब्याटिङ गरेको कर्णालीले  २०  ओभरमा सबै विकेटको क्षतिमा एक सय १  रन बनाएको थियो | दीपेन्द्रसिंह प्लेयर अफ द म्याच हुनुभयो |  
       
लिग चरणका खेल सक्किए सँगै प्ले अफ समिकरण पूरा भएको छ | आज भएको खेलमा सुदूरपश्चिमसँग हारेपनि कर्णाली प्ले अफमा पुगेकोछ | काठमाडौं, लुम्बिनी, पोखरा, र विरटनगर प्ले अफको दौडबाट बाहिरी सकेका छन   भने चितवन,  सुदूरपश्चिम, जनकपुर र कर्णाली प्ले अफमा पुगेका छन | अब चितवन र कर्णालीबीच इलिमिनेटरमा प्रतिस्पर्धा हुनेछ |

अब पुस ३ गते ९ बजे चितवन र कर्णाली भिड्ने छन भने १ बजे  सुदूरपश्चिम र जनकपुर भिड्नेछन |