काठमाडौं, मङ्सिर २९  गते 

त्रिवी मैदान कीर्तिपुरमा सिद्धार्थ बैंक नेपाल प्रिमियर लिग एनपीएलको आज भएको पहिलो खेलमा काठमाडौंले पोखरालाई ६ विकेटले  हराएको  छ | यो सँगै काठमाडौं प्ले अफ नजिक पुगेको  छ | पोखराले दिएको एक सय ३९ रनको लक्ष्य काठमाडौंले १४ दशमलव एक ओभरमा चार विकेटको क्षतिमा पुरा गरेको थियो |  टस हारेर पहिले  ब्याटिङ गरेको पोखराले    निर्धारित २० ओभरमा ८  विकेटको क्षतिमा एक सय ३८   रन बनाएको थियो | 

त्यसैगरी आज भएको दोश्रो खेलमा चितवनले जनकपुरलाई ३२ रनले  पराजित गरेको छ |टस जितेर पहिले ब्याटिङ गरेको चितवनले निर्धारित २० ओभरमा पाँच विकेटको क्षतिमा एक सय ८० रन बनाएको थियो | जितका लागि एक सय ८१   रनको लक्ष्य पाएको  जनकपुरले  १८ ओभरमा सबै विकेटको क्षतिमा एक सय ४८ रनमा समेटिएको  थियो |आजको जितसँगै चितवनले ७ खेलबाट ८ अंक बनाएको छ | चितवनलाई प्ले अफ पुग्न अन्य टोलीको नतिजा पनि पर्खनु पर्ने हुन्छ |   

जनकपुरका निसम एनपीएलमा  सबैभन्दा छिटो अर्धशतक प्रहार गर्ने खेलाडी पनि बनेका छन | उनले १८ बलमै अर्धशतक पुरा गरेका हुन् | यस भन्दा अघि सुदूरपश्चिमका कप्तान दीपेन्द्रसिंह एरीले २३ बलमा अर्धशतक पुरा गरेका थिए |

जनकपुर १० अंक सहित  पहिलो स्थानमा रहेको   छ | सुदूरपश्चिम ८ अंक सहित दोश्रो स्थान, चितवन ८    अंक सहित तेश्रो  स्थानमा, कर्णाली ८ अंक सहित चौथो  स्थानमा, काठमाडौं ६    अंक सहित पाचौँ  स्थानमा, विराट्नगर   ४  अंक सहित छैठौ स्थानमा, पोखरा  ४  अंक सहित सातौँ लुम्बिनी २  अंक सहित तालिकाको  अन्तिममा रहेको छ |

भोली पहिलो खेल ९ बजे  विराटनगर  र काठमाडौं  बिच हुनेछ भने दोश्रो खेल १ बजे सुदूरपश्चिमका र पोखरा     बिच हुनेछ  |