काठमाडौं, मङ्सिर २७ गते 

त्रिवी मैदान कीर्तिपुरमा सिद्धार्थ बैंक नेपाल प्रिमियर लिग एनपीएलको आज भएको पहिलो खेलमा विराटनगर पोखरासँग १३ रनले पराजित भएको छ | यो सँगै विराटनगरको  प्ले अफ पुग्ने सम्भावना कमजोर बनेको छ भने जित सँगै पोखराले प्ले अफ पुग्ने आशा जगाएको छ | पाँचौँ खेलमा दोश्रो जित निकालेको पोखराको चार अंक पुगेको छ भने समान खेलमा चौथो हार खेपेको विराट्नगरको  दुई अंक रहेको छ |         

 
टस जितेर पहिले ब्याटिङ गरेको विराट्नगरले   निर्धारित २० ओभरमा ७ विकेटको क्षतिमा एक सय ३९  रन बनाएको थियो | जितका लागि एक सय ४० रनको लक्ष्य पछ्याएको पोखराले निर्धारित २० ओभरमा ६ विकेटको क्षतिमा एक सय ३९ रन बनाएपछि खेल सुपर ओभरमा गएको थियो | यो जारी एनपीएलकै पहिलो सुपर ओभरमा पुगेको खेल हो |

त्यसैगरी आज भएको दोश्रो खेलमा  जनकपुरले काठमाडौंलाई ५ विकेटले  हराएको छ | यो सँगै जनकपुरले लिग चरणको एक खेल अगावै  प्ले अफमा स्थान बनाएको  छ भने प्ले अफ पुग्ने पहिलो टोली बनेको छ | जित सँगै सबै खेलबाट १० अंक बनाएको जनकपुर तालिकाको शीर्ष स्थानमा पुगेको छ |              
 
टस जितेर पहिले ब्याटिङ गरेको काठमाडौंले १९.३   ओभरका सबै विकेटको क्षतिमा एक सय एक    रन बनाएको थियो | जितका लागि एक सय २  रनको लक्ष्य पाएको  जनकपुरले  निर्धारित १५.५  ओभरमा ५  विकेटको क्षतिमा एक सय ४  रन जोड्दै लक्ष्य भेट्टाएको थियो | अब  लिगको अन्तिम दिन शनिवार  जनकपुरले चितवन सँग खेल्नेछ |

जनकपुर १० अंक सहित  पहिलो स्थानमा पुगेको  छ | सुदूरपश्चिम ८ अंक सहित दोश्रो स्थान, चितवन  ६   अंक सहित तेश्रो  स्थानमा, कर्णाली  ६  अंक सहित चौथो  स्थानमा, काठमाडौं  ४   अंक सहित पाचौँ  स्थानमा, पोखरा  ४  अंक सहित छैठौ स्थानमा, लुम्बिनी  २ अंक सहित सातौँ  स्थानमा,बिराटनगर २ अंक सहित तालिकाको  अन्तिममा रहेको छ |

भोली पहिलो खेल ९ बजे लुम्बिनी    र कर्णाली   बिच हुनेछ भने दोश्रो खेल १ बजे बिराटनगर  र चितवन   बिच हुनेछ  |