काठमाडौं, मङ्सिर २६  गते

त्रिवी मैदान कीर्तिपुरमा सिद्धार्थ बैंक नेपाल प्रिमियर लिग एनपीएलको आज भएको  खेलमा लुम्बिनी लायन्स  काठमाडौं गोर्खाजसँग  १८ रनले पराजित भएको छ | यो सँगै लुम्बिनी एनपीएलबाट बाहिरिएको छ | हार सँगै लुम्बिनीको प्ले अफ पुग्ने सम्भावना एक खेल अघि नै सक्किएको छ भने जित सँगै काठमाडौंको प्ले अफ पुग्ने सम्भावना बढेको छ |    
 
टस जितेर पहिले ब्याटिङ गरेको काठमाडौंले निर्धारित १९.२   ओभरमा  सबै   विकेटको क्षतिमा एक सय तीन रन बनाएको थियो | ६ वटा खेलमा पाँचौँ हार खेपेको लुम्बिनी दुई अंक जोडदै बहिरिएको छ भने काठमाडौंको यो दोश्रो जित हो |लुम्बिनीले अब लिगको अन्तिम खेल कर्णाली याक्ससँग खेल्नेछ |  

जनकपुरलाई पछि पर्दै सुदूरपश्चिम पहिलो स्थान मा आएको छ | सुदूरपश्चिम ८ अंक सहित पहिलो स्थान, जनकपुर ८  अंक सहित दोश्रो स्थानमा, चितवन ६  अंक सहित तेस्रो स्थानमा, कर्णाली ६  अंक सहित चौथो स्थानमा, काठमाडौं ४  अंक सहित पाचौँ स्थानमा, लुम्बिनी  २ अंक सहित छैठौ स्थानमा,पोखरा  २ अंक सहित सातौँ स्थानमा रहेको छ भने बिराटनगर २  अंक सहित तालिकाको  अन्तिममा रहेको छ |

भोली पहिलो खेल ९ बजे  पोखरा   र बिराटनगर  बिच हुनेछ भने दोश्रो खेल १ बजे  काठमाडौं र जनकपुर  बिच हुनेछ |