काठमाडौं, मङ्सिर २० गते

त्रिवी मैदान कीर्तिपुरमा सिद्धार्थ बैंक नेपाल प्रिमियर लिग एनपीएलको आज भएको खेलमा जनकपुर बोल्ट्सले  पोखरा  एभेन्जर्सलाई सात  विकेटले  पराजित गरेको छ | जनकपुर बोल्ट्सको यो तेस्रो जित हो भने  पोखरा  एभेन्जर्सको   यो दोस्रो हार हो | 

जितका लागि एक सय ३९ रनको लक्ष्य पछ्याएको जनकपुरले १७.१  ओभरमा तीन   विकेट गुमाउदै  पुरा गरेको थियो   | टस हारेर पहिले ब्याटिङ गरेको पोखराले  निर्धारित २० ओभरमा सात   विकेटको क्षतिमा एक सय ३८  रन बनाएको थियो |