जेष्ठ २७, काठमाडौँ महानगरपालिकाको शिक्षा विभागले आज १३ वटा सामुदायिक विद्यालयले भाडामा लगाएका १७५ वटा सटरमा ताला लगाएको छ ।  यसमध्ये ७ वटामा विभाग पुगेको थियो भने ६ वटाले आफैँ बन्द गराएका थिए । 

भाडामा लगाएका सटर आफैँ बन्द गराएका विद्यालयहरु-
- शितला माध्यमिक विद्यालय, वोहराटार
- शिवपुरी माध्यमिक विद्यालय, महाराजगञ्ज
- नव जागृति माध्यमिक विद्यालय, वोहोराटार
- रुद्रमती आधारभूत विद्यालय, देवीनगर
- विद्योदय आधारभूत विद्यालय, झोँछे
- आधारभूत विद्यालय, लगन रहेका छन । 

काठमाडौ महानगर भित्रका ३७ वटा विद्यालयले सटर वा विद्यालय परिसरमा टहरा बनाएर भाडामा लगाएको अध्ययन प्रतिवेदनले देखाएको छ  । 

यी विद्यालयहरुले विद्यालयको खुला जग्गा संकुचित बनाएका छन् । जसले विद्यार्थीको सुरक्षा, शैक्षिक तथा व्यक्तित्व विकासमा बाधा सिर्जना गरेको छ । शिक्षा अधिकृत नेत्रनारायण पौडेल भन्नुहुन्छ, ‘शिक्षा ऐन २०२८ को दफा १६, शिक्षा नियमावलीको  नियम १५८ र १५९ अनुसार उद्देश्य पूरा नभएको देखिएकोले ताला लगाउनु परेको हो ।’ यस व्यवस्था अनुसार विद्यालयको सम्पत्ति विद्यार्थीहरुको शैक्षिक र व्यक्तित्व उन्नतिका लागि मात्र उपयोग गर्न पाइन्छ ।