काठमाडौं, २३ भदौ गते 

आज नेपाली कांग्रेसले पार्टी कार्यालय सानेपामा पेरिस पारालिम्पिक २०२४ मा कास्य पदक विजेता पारा तेक्वान्दो खेलाडी पलेशा गोवर्धनलाई नगद ५ लाखसहित सम्मान गरेको छ | त्यसैगरि सहभागी खेलाडी भरतसिंह महतालाई ५० हजार र प्रशिक्षक कविराज नेगी लामालाई १ लाख ५० हजारले सम्मान गरेको छ |       
यस अघि काठमाडौँ महानगरपालिकाले पेरिस पारालिम्पिक २०२४ मा कास्य पदक विजेता पारा तेक्वान्दो खेलाडी पलेशा गोवर्धनलाई ५ लाख रुपैयाँ नगदसहित सम्मान गरेको थियो  । त्यस अवसरमा पलेशाका प्रशिक्षक कविराज नेगी लामालाई ३ लाख रुपैयाँसहित सम्मान गरिएको थियो |

 प्रधानमन्त्री के पि शर्मा ओलीले पलेशालाई हार्दिक बधाई दिनुहुँदै नेपाल सरकारले पनि पलेशालाई रु ६५ लाख पुरस्कार सहित सम्मान गरिने जनाउनु भएको थियो |     

सम्मान गर्नु राम्रो हो तर खेलाडीहरुको दक्षता बिकास गर्नु , क्षमता बढाउनु, सेवा सुविधा बढाउनु , तालिमको व्यवस्था गर्नु तथा पुर्वाधार निर्माण गर्नु राज्यको दायित्व हो |