आज नेपाल भलिबल सङ्घले काभा महिला नेसन्स लिग भलिबल खेलाडीहरुलाई नगद पुरस्कारसहित सम्मान गरेको छ | सङ्घले प्रतियोगिताका खेलाडी, प्रशिक्षक र अफिसियललाई पुरस्कृत गरेको हो | सङ्घले रजतपदक विजेता टोलीका खेलाडी र प्रशिक्षकलाई जनही  एक लाख दुई हजार र ब्यवस्थापक र फिजियोलाई जनही ८२ हजार पुरस्कार प्रदान गरेको थियो |

 त्यसैगरी भर्खरै माल्दिभ्समा सम्पन्न काभा यू - २० भलिबलमा तेस्रो स्थान हासिल गरेको नेपाली महिला भलिबल खेलाडी,प्रशिक्षक र टिम ब्यवस्थापकहरुलाई जनही १५ हजार रुपैँया प्रदान गरेको थियो | त्यसैगरी भुटानमा सम्पन्न काभा भलिबलमा स्वर्ण पदक विजेता कमला पुन र मनिषा चौधरीलाई जनही ६० हजार र  प्रशिक्षक उपप्रशिक्षक रूपेश विस्टलाई ४० हजार र पुरुषमा रजत पदक जित्न सफल मानबहादुर श्रेष्ठलाई सम्मान गरेको थियो |